கடித வினா.

கடித வினா. (150 சொற்கள்)

1. நீவிர் உமது குடும்பத்தினரோடு திறந்தவெளி உணவங்காடிக்கு உணவு உண்ணச் சென்றிருந்தீர். அங்குப் பரிமாறிக்கொண்டிருந்தவர் கையுறை அணியாமல் உணவைக் கையாண்டார். இது போன்ற நிலைகளை நீவிர் பல இடங்களில் நடைபெற்றுவருவதைப் பார்த்திருப்பீர். இவற்றை விளக்கி நீவிர் சுற்றுப்புற அமைச்சுக்கு எழுதும் ஒரு கடிதம்.

(இவ்வினாவிற்கு விடையளிக்கும்போது உமது பெயரையும் முகவரியையும் குறிப்பிடாமல் ``பாரதி`` என்ற புனைபெயரையும், புளோக் 219, ங் மோ கியோ அவென்யூ 6 # 12-42, சிங்கப்பூர் 260219 என்னும் முகவரியையும் குறிப்பிடுக.)
சுகாதார அமைச்சின் முகவரி: சுகாதார அதிகாரி சுற்றுப்புற அமைச்சு ஸ்காட்ஸ்சாலை சிங்கப்பூர்260112 *********************************************************************

விடை

பாரதி

புளோக் 116

சிராங்கூன் செண்ட்ரல்

# 11-46சிங்கப்பூர் 260116

04.04.2006

சுகாதார அதிகாரி

சுற்றுப்புற அமைச்சு

ஸ்காட்ஸ் சாலை

சிங்கப்பூர் 260112

மதிப்பிற்குரிய ஐயா

பொருள்: சுகாதாரக் குறைபாடு குறித்துக் கருத்துக் கூறுதல்

என் பெயர் பாரதி. நான் தற்போது தனியார் நிறுவனம் ஒன்றில் பணிபுரிகிறேன். நான் உணவங்காடியிலும் பொது இடங்களிலும் சுகாதாரத்தைக் கடைப்பிடிக்காத ஒருசிலரைப் பற்றி இக்கடிதத்தில் எழுதுகிறேன்.

நான் எங்கள் குடும்பத்தினரோடு சென்ற வாரம் திறந்த வெளி உணவங்காடிக்குச் சென்றிருந்தேன். உணவங்காடியில் உணவு பரிமாறிக் கொண்டிருந்தவர் கையுறை அணியாமல் உணவைக் கையாளுவதைக் கண்டு அதிர்ச்சி அடைந்தேன். இது போன்று வேறு சிலரும் பொது இடங்களில் சுகாதாரமற்ற முறையில் நடந்து கொண்டது என்னை மிகவும் வருத்தத்திற்குள்ளாக்கியது. எனவே, சுகாதாரத்தைப் பற்றிய தகவல்களை அறியாதோருக்குச் சுற்றுப் புற அமைச்சு சுகாதாரத்தைப் பற்றி எடுத்துரைக்குமாறு அன்புடன் கேட்டுக்கொள்கிறேன்.

நம் முன்னோர், `வரும்முன் காக்கவேண்டும்` என்று கூறியுள்ளனர். நமக்கு நோய்வராமல் இருக்க முதலில் சுகாதாரத்தைக் கடைப்பிடிக்க வேண்டும். எடுத்துக்காட்டாக, அதன் அருகில் இருந்த மீன் கடைக்குச் சென்ற போது மீன்விற்பவர் நடைபாதையின் அருகில் எச்சிலைத் துப்பினார். இதனைக் கண்டதும் என்மனம் வாடியது. ``சுத்தம் சுகம் தரும்`` என்ற பழமொழியை நாம் எப்பொழுதும் நினைவில் கொள்ளவேண்டும். சுகாதார அமைச்சு சுகாதாரத்தின் முக்கியத்துவத்தை விளக்கும் பட்டறைகளைப் பல இடங்களில் நடத்தலாம். இவற்றின் மூலம் மக்கள் அதன் முக்கியத்துவத்தை உணரும் வாய்ப்பு ஏற்படும்.

சுத்தத்தைக் கடைப்பிடிப்போம்சுகாதாரமாய் வாழ்ந்திடுவோம் இச்சையுடன் இனிதே இருக்கும்வரை தொடர்ந்திடுவோம்
என்பது போன்ற கூற்றினை பொதுமக்கள் அதிகமாகக் கூடும் இடங்களில் எழுதிவைக்கலாம். நமது சிங்கை ஒரு தூய்மை மிக்க நாடாகத் தொடர்ந்து இருப்பதற்கு வேண்டிய அனைத்து நடவடிக்கைகளையும் எடுக்கும்படி அன்புடன் வேண்டுகிறேன். மேலும், இவற்றின் மூலம் வருங்காலத்தில் சார்ஸ், டெங்கி போன்ற உயிர்க்கொல்லி நோய்கள் சிங்கப்பூரில் வராமல் தடுக்கலாம் என்று கூறி என்கடிதத்தை முடித்துக் கொள்கிறேன்.

இப்படிக்கு

பாரதி